អានរួចសូមមេត្តាជួយចុច Share បន្តផង សូមអរគុណ!

បទ «ស្នេហ៍ឆ្លងវេហាស៍» ចំណងជើង รักข้ามขอบฟ้า Ruk Kham Khop Fa ជាភាសាថៃ ជាចម្រៀង​ដែល អ្នកស្រី ឌី សាវ៉េត ច្រៀងរួមគ្នាជាមួយ លោក ស៊ីន ស៊ីសាមុត ទាំងភាសាខ្មែរ និងថៃ ក្នុងភាពយន្តផលិតរួមគ្នាជាមួយថៃ ចំណងជើងថា «ជីវិតផ្សងព្រេង»។ នេះបើតាមការបញ្ជាក់ផ្ទាល់របស់តារាជើងចាស់ ឌី សាវ៉េត ក្នុងកម្មវិធីមហោស្រពភាពយន្តខ្លីចតុមុខ។ឆ្នាំ ២០១៨ នេះក្រុមព្រះសុរិយាបានរកឃើញខ្សែភាពយន្តខ្មែរ និងចម្រៀងល្បីជាភាសាថៃ ដែលប្រិយមិត្តធ្លាប់បានឮជាសំនៀងដើមជាភាសាថៃនោះ តាមពិតជាសំឡេងដើមរបស់អ្នកស្រី ឌី សាវ៉េត តែម្តង។ អ្នកស្រីបន្តថា៖ «តាមការពិតខ្ញុំជាអ្នកច្រៀងបទ ស្នេហ៍ឆ្លងវេហាស៍ នេះជាមួយលោក ស៊ីន ស៊ីសាមុត ទាំងខ្មែរ និងភាសាថៃ។ ខ្ញុំមិនមែនជាអ្នកចម្រៀងអីទេ តែពេលនោះខាងចាងហ្វាងផលិតកុន គេស្នើឱ្យច្រៀង ខ្ញុំក៏ច្រៀងទៅ មិនដឹងពីរោះ ឬអត់ទេ»។លោកស្រី ឌី សាវ៉េត បន្តទៀតថា បទចម្រៀង «ស្នេហ៍ឆ្លងវេហាស៍» ជាក់ស្ដែងជាការតែងនិពន្ធរួមគ្នារបស់ផលិតករខ្មែរ និងថៃ ដោយភាពយន្តបានចេញដំណើរថតពីប្រទេសកម្ពុជាមុន ហើយបន្តទៅថតដល់ប្រទេសថៃ ដោយក្នុងរឿង អ្នកស្រីដើរតួឯកជានារីម្នាក់លង់ស្នេហ៍នឹងទាហានថៃដែលមកការពារនៅជំវំក្បែរទឹកដីថៃ។ ក្រោយពីបែបគ្នា តួស្រីខ្មែរក៏ទៅស្វែងរកគូស្នេហ៍ជាជនជាតិថៃនៅប្រទេសថៃ តែចែដន្យអី បុរសម្នាក់នោះមានប្រពន្ធរួចទៅហើយ។ នេះបើយោងតាមការរៀបរាប់បញ្ជាក់របស់អ្នកស្រី ឌី សាវ៉េត។

post by : Sok Veasna                                                             post Date : 30-Oct-2018

View : 1093